Sædís Harpa hefur lengi velt fyrir sér sambandi okkar við máva. Með sýningunni Öll erum við mávar beinir hún augum að mávum, fuglum sem flest okkar þekkja en fá kunna að meta. Þeir eru prakkarar og stundum pirrandi, en samt órjúfanlegur hluti af umhverfi okkar. Sýningin varpar ljósi á hvernig samfélagið mótar hugmyndir um hvað má tilheyra umhverfinu okkar og hvað ekki. Þær hugmyndir eiga ekki aðeins við um máva.

Sædís Harpa hvetur áhorfendur til að horfast í augu við þá staðreynd að ekkert okkar er fullkomið og við eigum það öll til, meðvitað eða ómeðvitað, að taka þátt í þeirri samfélagshugsun sem ræður ferðinni hverju sinni. Þannig erum við öll mávar.