Manstu eftir bollunum hennar ömmu eða böllunum í Sindrabæ?
Manstu eftir… er samansafn af hlutum sem hafa verið skildir eftir á nytjamarkaðinum heima á Höfn. Hlutir með ríka sögu sem bíða eftir því að eignast nýjar minningar. Sem brottfluttur Hornfirðingur fóðra ég heimþrána með myndum sem Hirðingjarnir birta á facebook. Myndir af hlutum sem ég kannast við. Hlutum sem senda mig á ferðalag aftur í tímann. Sýningin býður upp á samtal milli kynslóða. Upphringing í fortíðina bindur saman gamla og nýja tíma. Verkin voru hluti af samsýningunni Nr. 5 Umhverfing sem var haldin á Hornafirði og var á vegum Akademíu Skynjunarinnar í samstarfi við Listasafn Svavars Guðnasonar.